Impresta Osan La Implika Tusan

DILI – Politika governu nian neebe impresta osan husi Banku Mundial, Ajensia Development Bank (ADB) ho JICA, hodi investe ba setor Infra-estrutura, sei la implika  tusan  ba jerasaun foun sira tanba governu halo estudo.

Tuir Prezidente Komisaun E Deputadu Pedro dos Martires da Costa hatete, Nasaun Timor Leste (TL) iha osan minarai neebe investe iha banku Nova Yorke  fo funan 3% maibe osan neebe governu impresta ho funan kiik 2% .

Ita bele uza ita nia osan minarai funan boot hodi selu dividas, sei dada tusan ba jerasaun foun sira,’’dehan Pedro ba STL, Sesta (10/03/2017) iha knar fatin PN.

Nia hatete, orsamentu neebe impresta iha primeira fase Miliaun U$70 no Segundo fase miliaun 100 resin,”tenik nia.

Nia hatete, antes governu atu  implementa politika impresta osan, sira halo estudo viabilidade hodi analiza risku no dezafiu ba futuru, iha estudu hatudu katak, laiha tusan  ka risku ba jerasaun foun sira, tanba TL iha osan minarai investe fo lukru boot hodi selu dividas ba osan imprestimu ho funan kiik tebes.

Nia hatutan, governu impresta osan investe ba iha setor Infra-estrutura hadia Estrada iha rai laran, hodi fasilita movimentasaun transporte lao diak, nunee sirkulasaun ekonomia rai laran lao diak, povu kiik bele asesu ba merkadu.

Iha fatin hanesan Vise Prezidente Komisaun E Deputadu Manuel Castro hatete, TL iha osan minarai maibe Politika governu nian atu deve osan husi doador sira hanesan, ADB, JICA, Banku Mundial hodi investe ba iha setor Infra-estrutura, maibe tuir esplikasaun husi governu mai iha PN katak, Impresta osan ho funan kiik, kompara osan minarai neebe investe iha Banku Nova Yorke boot, entaun uza osan funan selu dividas sira nee.

Agora dadaun osan imprestimu husi Banku mundial hadia Estrada husi Dili ba Balibar too Aileu no Ainaro ho kualidade diak, finansia husi ADB, depois Estrada husi Dili ba Tibar no Tibar-Maubara too Mota ain, no Tibar ba Gleno Ermera konstrusaun kualidade diak. Alende nee JICA hadia Dili ba Baucau prosesu lao hela,’’dehan Nia.

Nunee mos Peskizador Ajar Inocencio Xavier de Jesus hatete, Politika governu nian, deve osan husi parseiru sira halo investimentu iha  setor Infra-estrutura, sei fo tusan ba jerasaun foun sira, tanba mina folin tun, produsaun mina Bayu Unda tun, Kitan laprodus afeta ba rendimentu fundu petroliu, osan minarai investe iha banku biliaun U$ 15 resin ona. Josefa dos Santos

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...