Indimizasaun Afetadu Aero Portu Suai, Governu Kria Injustisa

DILI- Sestu Governu Konstitusional kria Injustisa boot ba afeitadu Konstrusaun Aeroportu Suai, tamba povu neebe mak iha uma ho kuartu hat to lima governu halo uma ho kuartu tolu hodi Intrega ba povu neebe la iha valor.

Tuir deputadu bankada PD atual Vice prezidente Parlamentu Nasional (PN) Adriano Nacimento katak afeita ba konstruasaun Aero Portu Suai, liu-liu povu iha Aldeia Lohorai Suku Matai Postu Administrativu Suai governu hamosu Konfuzaun boot ba povu.

Uluk governu promete liu-liu ema neebe mak iha uma seluruh tembok kuartu hat ou lima, governu fo fali uma kuartu tolu deit, ba hau governu  kria Injustisa, ita haruka sai hodi halo dezemvolvimentu ita fo fali kuartu tolu nee governu laiha sensibilidade,” dehan Adriano liu husi Sesaun Plenaria Tersa (16/02/2016) iha Parlamentu Nasional.

Nia husu ba Sekretariu Estadu Asuntu Parlamentar neebe reprezenta governu iha parlamentu, atu hare tamba povu nia uma neebe maka governu hasai, uma neebe mak povu halo sira uza kosar ben halo uma boot governu fo deit kuartu tolu.

Iha fatin hanesan Deputadu Jacinta Pereira hatete povu nia uma neebe mak governu hasai atu halo dezemvolvimentu, tenki halo fali uma atu nune povu senti mos ukun Aan tamba ulun boot iha, Governu iha, Parlamentu iha tamba povu. Informasaun kompletu iha STL Jornal no STL Web, edisaun Kuarta (17/2/2016). Timotio Gusmao

LEAVE A REPLY

Please enter your comment!
Please enter your name here