DILI- Sidadaun Indonesia ho naran Hany Hariawa (Feto) kadeia tinan 8 no Dedy Prasutio kadeia tinan 14, tamba involve iha aktividade transaksaun droga iha Nasaun Timor leste, arguidu nain rua tama mai Timor Leste iha Novembru 2012.
Liu husi Leitura Sentensa iha Tribunal Distrital Dili (TDD) Kinta (11/07/2013) Tribunal Konfirma Argudu Dedy Prasutio komete krime transaksaun Droga, tan ne’e tribunal hamonu Sentensa tinan 14 kadeia, Arguidu Dedy no Arguida Hany Hariawa kadeia tinan 8 tamba fasilita Aktividade transaksaun Droga iha Nasaun Timor Leste.
Maske tribunal Hamonu Sentensa tinan 14 kadeia ba Arguidu Dedy Prasutio maibe kuandu Arguidu hatudu Hahalok diak durante iha prizaun too tinan 8 arguidu bele fila hikas Indonesia no Arguida Hany Hariawa kuandu hatudu hahalok diak to’o tinan 3 bele fila hikas ba Indonesia.
Bazea ba desizaun Tribunal katak kuandu arguidu nain 2 fila hikas ba Indonesia durante tinan 10 arguidu nain rua labele tama iha Timor Leste no mos ekipamentus nebe mak policia konsege detekta no kaptura intrega ba estadu Trimor leste. Informasaun kompletu iha STL Jornal no STL Web, edisaun Sesta (12/7). Timotio Gusmão
