Irigasaun Diak, Garante Produsaun

DILI – Governu estabelese Irigasaun iha Munisipiu sira nee ho diak maka povu agrikultor sira sei garante produsaun diak no aas iha rai laran.

Reprezentante povu iha Uma Fukun Parlamentu Nasional, Deputadu Joao Adriano katak, estabelesementu irigasaun iha Maliana oras nee dadaun diak tebes tanba fornese bee ba komunidade nia natar, hektares rihun ba rihun iha Maliana, fiak katak ho irigasaun nee bele hasae produsaun agrikula iha rai laran, hodi redus produtu importasaun produtu aihan husi rai liur.

Ita nia irigasaun kuandu diak no fornese bee diak maka, eduka tebes povu agrikultor sira badinas atu halo natar, hanesan iha Maliana, tinan ida nee rai mamuk laiha tanba, agrikultur sira okupadu tebes atu halo natar, tanba nee sei garante produsaun agrikula tinan ida nee sei diak,” informa Deputadu Joao Adriano ba STL, Kuarta (08/03/2017) iha nia knaar fatin PN.

Nia mos informa liu tan katak, irigasaun iha Maliana 1 nee fornese bee diak tebes, iha Maliana 2 maka seidauk lao diak tanba sei iha hela faze konstrusaun, fiar katak Maliana 2 kuandu finaliza hotu, sei lori benefisiu diak ba povu agrikultor sira.

Iha fatin hanesan Deputadu Domingos de Carvalho mos hateten, irigasaun iha Aileu nee iha  3 deit,  maka hanesan iha Mantane, Saburia no Daisoli, maibe iha fatin rua hanesan Mantane no Daisoli maka fornesementu bee diak ba povu agrikultor sira nia natar, no iha Saburia nee ladun fornese bee ho diak tanba parte balun hahu aat fali ona.

Hau hanoin preokupasaun sira nee ami hatoo hotu ona ba governu maibe, too agora seidauk iha medidas ruma atu hadia, tanba nee komunidade iha parte balun ladun halo natar ho diak,” informa Deputadu Carlvalho.

Nia mos informa liu tan katak, liu husi irigasaun neebe governu halo nee, sei lori progresu boot ba produsaun aihan iha rai laran, tanba povu iha area remotas sira nee kuaze maioria moris hanesan agrikultor.

Nunee mos Deputada Brigida Correia mos hatutan, irigasaun neebe maka governu halo iha Lospalos nee kiik tebes, no komunidade sira atu halo Natar no tos tenke hare ba musim, karik udan been mai diak maka sira nia atividade halo natar nee mos diak, maibe udan been mai kiik, agrikultor sira tenke hapara hotu sira nia atividade.

“Hau hanoin atu hasae produsaun aihan iha rai laran maka, Governu liu husi Ministeriu Agrikultura e Peskas tenke kria irigasaun neebe boot ba agrikultor sira atu nunee bele fornese bee ba povu nia natar ho toos,”informa nia. Madalena Horta

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...