DILI-Sekretariadu Estadu da Defeza fo anunsio ona konaba rekrutamentu F-FDTL ba periodo 2014, tan ne’e bazeia ba Lei servisu Militar no regulamentu servisu Militar, sei loke konkursu Publiku atu simu Jovens ka foin sae voluntarius sira feto ka mane nebe nia tinan 18 to 24, hakarak servi ba nasaun iha vida Milita.
Informasaun ne’e hato’o husi Diretur Jeral Sekretariu Estadu Defeza (DJ-SED), Joao de Araujo Cortereal, liu husi konferensia imprensa, nebe halao iha Kuartel Jeral F-FDTL, Fatuhada-Dili, katak konkursu ne’e sei loke iha Janeiru 2014.
Hau hanoin konkursu nee sei loke iha loron 6 fulan Janeru Tinan 2014 mai no sei taka fali iha loron 25 fulan Janeru tinan 2014, tan nee ba sira nebe iha intrese ba konkursu nee, maka semana oin bele ba iha servisu fatin Administrador Distritu ka Sub Distritu, ta nee atu hetan informasaun konaba rekejitu sira maka sei foti formulariu iha ida-idak nia Sub Distritu no Distritu, dehan Joao, Sesta (22/11/2013).
Nia husu ba sira nebe iha intrese atu foti formulariu, tenke priense ho didiak, atu nune’e ema seluk Lee bele komprende, no fo informasaun nebe ho lolos. Informasaun kompletu iha STL Jornal no STL Web, edisaun Sabado (23/11/2013). Madalena Horta
