DILI–Relasiona ho lista ne’ebe mak ONG Luta Hamutuk (LH) fo sai bajeia ba dadus indise preparasaun TL iha tinan 2013, TL iha ranking 119 ho score 30 hosi nasaun 175 kategoria nasaun ne’ebe koruptu, tuir Adjuntu Komisaun Anti Korupsaun (KAK), Jose Neves, dadus ne’e la realidade.
Adjuntu KAK Jose Neves hateten Presepsaun transparansia ne’e presepsaun ida, nia foti presepsaun hosi ema seluk nia presepsaun dala 3 ona, husu ba ajensia internasional sira ne’ebe servisu iha area ne’e minimu iha pais 3 mak fo sira nia presepsaun.
Sira hare deit maibe ne’e laos realidade ne’ebe numeru ne’e bele sae no tun tanba kuandu numeru ne’e sae ita tun no public ida ne’e laos Timor, maibe ajensia internasional sira mak hare mai ita, ita konsidera mais ita labele preokupa demais tanba ida ne’e laos realidade, hatete Adjuntu KAK, Jose Neves, ba jornalista sira iha salun enkontru Canossa Becora Kuarta (18/02).
Adjuntu KAK ne’e hatutan ho numeru ne’ebe hatete katak Timor Leste sai hanesan nasaun ne’ebe koruptu la signifika KAK la halo servisu, maibe KAK kontinua halo nia servisu investigasaun hodi kombate korupsaun. Informasaun kompletu iha STL Jornal no STL Web, edisaun Kinta (20/2/2014). Thomas Sanches