ERMERA-Joventude Suku Ponilala, Sub Distritu Ermera Vila, Distritu Ermera entrega atributu artemarsiais KORKA hamutuk 100, ba Polisia Nasional Timor Leste (PNTL) distritu Ermera, hodi kumpri rezolusaun nebe governu hasai ona.
Seremonia entrega atributu artemarsiais nee husi joventude suku Ponilala ne’e, partisipa diretamente husi Prezidente Republika Taur Matan Ruak ho povu Xefi Suku Punilala, inklui komunidade tomak.
Prosesu intrega atributu artemarsiais nia nee, premeru sira bazeia rezolusaun governu, numeru 16/2013, ami nudar autoridade hakruk ba rezaolusaun ida nee hau bolu kedas artemarsiasi KORKA, tamba sira maka durante nee movimentu iha Suku Ponilala, hau bolu sira nia lideransa mai tuir inkontru, sira konkorda ho hau hodi kria estabelidade iha suku nee no sira mos intrega atributu, hateten Xefi Suku Ponilala Jasento de Jesus Madeira, ba Jornalista sira iha Suku Ponilala, Sub Distritu Ermera Vila, Distritu Ermera, Kinta (16/01/2014).
Iha fatin hanesan Komandante PNTL Distritu Ermera, Superindentidente Mateus Mendes hateten husi suku balun hanesan Samalete, Fatubesi ho suku sira balun iha Ermera laran, entrega ona loron hirak liu ba, no iha loron 15-1-2014, sira lori ona ba Komandu Geral hodi halo seremonia entrega ba estadu. Informasaun kompletu iha STL Jornal no STL Web, edisaun Tersa (21/1/2014). Joao Anibal
