DILI- Governu tenke tau atensaun ba juis durante 24 oras nia laran. Juis sira tenke hetan seguransa, tanba ameasadu ba juis sira ne’e hanesan risku bo’ot ida tebes.
Relasiona ho ameasadu husi arguido nain tolu nebe oras nee sai buronan, liu husi telefone hodi halo ameasa ba juis sira. Ho preokupasaun ida nee juis sira halo karta pedidiu ida ba Komando PNTL atu fo seguransa ba kada juis.
Hatan ba kestaun nee, Ministru Justisa Deonisio Babo Soares hatete, nia parte seidauk hetan informasaun nebe klaru kona ba juis sira hetan ameasa ne’e. Maibe nia parte simu ona karta ida kona ba juis sira haruka ba komando PNTL.
Hau seidauk hetan informasaun nebe klaru liu kona ba juis sira hetan ameasa nee. Maibe hau hetan karta ida kona ba juis sira haruka ba komando PNTL. Nebe hau rasik haruka ona karta ida mos ba SES atu reforsa pedidu nee. Husu para tau atensaun mos. Hau seidauk iha informasaun detailus kona ba amaesas ba juis. Maibe nee juis sira mak husu, tanba nee bebeik ona. Nebe hau hanoin nee sira iha direitu no merese duni atu hetan seguransa, dehan MJ Deonisio ba jornalista iha PN, Tersa (21/01).
Iha fatin hanesan Vice PN Aderito Hugo hatete, ameasadu ba juis sira nee hanesan risku bot. Tan nemak antes nee iha nia intervensaun presija juis sira nee iha espasu ida ka kompleks nebe sira hela hamutuk iha fatin ida, para bele halo seguransa ba sira durante oras 24. Informasaun kompletu iha STL Jornal no STL Web, edisaun Kuarta (22/1/2014). Domingas Gomes