Juiz Laiha, Tribunal Adia Julgamentu

DILI-Tribunal Distrital Dili (TDD) la realiza julgamentu kazu krime ofensas integridade fisika simplest, tanba juiz prosesu ba kazu nee halo hela inspesaun lokal iha Baucau.

Tuir official justisa neebe kaer prosesu nee hatete, kazu krime ofensas integridade fisika simplest ho numeru prosesu 0005/14.DATR la konsege realiza tanba juiza Maria Solana neebe mak prezide prosesu nee halo hela inspesaun lokal iha Hospital Baucau.

Nunee iha biban nee official justisa husu ba arguidu Manuel Pereira no lezada Celestina Elevita ba iha prosesu nee atu fila fali. Depois mak tribunal notifika fali arguidu no lezada hodi mai tuir julgamentu.

Audensia nee prezide husi juiza singular, Maria Solana Fernandes, Ministeriu Publiku reprezenta Prokurador Ozorio de Deus no arguidu hetan asistensia legal husi defensor publiku Sergio Quintas. Informasaun kompletu iha STL Jornal no STL Web, edisaun Tersa (10/5/2016). Domingas Gomes

LEAVE A REPLY

Please enter your comment!
Please enter your name here