DILI-Julgamentu ba kazu Komandante Investigasaun Kriminal, Superintendenti Calistro Gonzaga sei kontinua iha tinan oin, tanba prosesu nee sei iha hela tribunal rekursu. Depois tribunal haruka karta notifikasaun loron lima ba tribunal rekursu, maibe to’o oras ne’e seidauk iha rejultadu.
Defensor Publiko Dr. Sergio Quintas nudar advogado husi arguido Calistro ba diario ne’e hatete, data julgamentu ba kazu ne’e nia parte mos seidauk hatene klaru, tanba depois tribunal haruka karta ba iha tribunal rekursu maibe to’o agora seidauk iha rejultadu.
Ida nee ami mos ladun hatene, bainhira mak atu hahu. Maibe kazu nee atu kuntinua fali iha loron 16 fulan janeiro 2014. Kona ba karta nebe mak tribunal distrital Dili haruka ba iha tribunal rekursu too agora seidauk iha rejultadu, dehan nia ba STL iha TDD, Mandarin, Tersa (10/12).
Antes nee diario nee mos halo konfirmasaun ho Presidenti Tribunal Rekurso Claudio Ximenes katak, nia parte mos la hatene kona ba kazu nee. Tanba kazu nebe maka tama iha tribunal rekursu barak tebes, nebe nia mos la hatene tuir kona ba kazu nee. Informasaun kompletu iha STL Jornal no STL Web, edisaun Kuarta (11/12/2013). Domingas Gomes
