Julgamentu Kazu GPM, Deklarasaun Sasin Hatodan Flavia

DILI- Tribunal Distrital Dili, Kuarta (09/10) dader hahu rona deklarasaun husi testamunha, kona ba kazu abuzu de poder nebe komete husi eis Diretora Jeral Gabinete Primeriu Ministru, Flavia de Jesus Soriano inklui oficial financas Adriano da Cunha Gomes.

Iha audensia julgamentu ne’e Tribunal rona deklarasaun husi testamunha nain hat (4), nudar eis fungsionario publiko iha Gabineti Primeiro Ministro (GPM) iha tempu neba. Sasin nain hat nemak Osvalino Ximenes eis responsavel logistik, Joanico Sarmento Gomes eis offisial IT, Joao Viera de Jesus eis Presidenti Koordenador ba natal konjunto no Paulo Pinto hanesan eis responsavel logistik ba natal konjunta iha 2009.

Liu husi julgamentu sasin Osvalino Ximenes hatete, iha dia 17 de Junho de 2009 nia parte hanesan responsavel logistik iha GPM simu ekipamentus logistik, sasan sira nee mai kompletu.

Iha fatin hanesan sasin Joanico Sarmento Gomes hatete, hanesan offisial IT iha GPM, altura neba nia mos hola parte iha ekipa avaliasaun ba kompania nebe atu substitui material informatika ba iha GPM.

Iha audensia julgamentu nee lidera husi juis kolektivu Jose Maria de Araujo, Julio Gantes, Duarte Tilman. Ministeriu Publiku reprejenta husi Procurador Gloria Alves no arguidu nain rua hetan asistensia legal husi Defensor Fernando de Carvalho reprezenta husi Defensoria Publika no Defensor Internasional Zaime Leite. Informasaun kompletu iha STL Jornal no STL Web, edisaun Kinta (10/10).  Domingas Gomes

LEAVE A REPLY

Please enter your comment!
Please enter your name here

NEWS UPDATE

Nilton: Kompetisaun LFTL Tinan Nee Realiza Nafatin

DILI, STLNEWS.co – Prezidente Liga Futebol Timor Leste (LFTL), Nilton Telmo Gusmão hatete, kompetisaun LFTL epoka tinan 2022 tenke realiza nafatin ho durasaun tempu...

Ekipa STL Corp. Hasoru Malu Ho General Manager Bank Mandiri Timor Leste

DILI, STLNEWS.co - Ekipa Suara Timor Lorosae Corporation (STL Corp.) neebe dirije husi Supervisor STL Corp, António César de Jesus Soares akompaña husi Redaktur...

Ezonera Tenente Jeneral Lere, Governu Nomeia Falur Ba XEMFA

DILI, STLNEWS.co – Konsellu Ministru (KM) aprova ona projetu governu nian, ezonera Tenente Jeneral Lere Anan Timur husi Xefe Estadu Maior Jeneral Forsa Armada (XEMFA)...