DILI-Kada tinan Parlamentu Nasional (PN) sempre aprova osan bo’ot ba iha governu atu halo Dezemvovilmentu iha rai laran, maibe realidade Estrada Kontinua kuak, povu halerik ba Be’e mos no seluk, tan laiha Mundansa nebe siginafikativu iha nasaun Timor Leste.
Relasiona ho Prezidente Republika Taur Matan Ruak nebe Promulga ona Orsamentu Jeral Estadu (OJE) 2014 ho Montante Billaun 1.5 Dolar Amerika, Bispu Deocese Baucau Dom Basilio do Nascimento kontente kuandu Kintu governu konstitusional hadia luron iha Timor Laran Tomak ho Kualidade nebe diak.
OJE 2014 hau nia Esperansa pelumenus luron sira diak netik oituan, kuandu orsamentu sira ne’e ba hotu luron atu hadia diak hau kontente ona, maibe tinan-tinan orsamentu boot maibe buat barak sabraut beik nebe hau lakomenta tan buat ida, dehan Bispo Deocese Baucau Dom Basilio Do Nacimento ba Jornalista Segunda (03/02/2014) iha Edifisiu Ministeriu Negosiu Estranjeiru Pantai Kelapa.
Iha parte seluk Hafoin halao aprovasaun Orsamentu Jeral estadu (OJE) 2014 ho Montante Billaun 1.5, Prezidente Parlamentu Nasional Vicente Guterres Hatama ona Orsamentu Jeral Estadu ne’e ba iha prezidente Republika Taur Matan Ruak, atu estuda orsamentu iha Loron 28/01/2014. Informasaun kompletu iha STL Jornal no STL Web, edisaun Kuarta (5/2/2014). Timotio Gusmão