Kada Tinan Embaixada Iha TL Selu Arendamentu $ 3 Millaun Resin

DILI-Nasaun neebe harii embaixada iha TL kada tinan selu arendementu ba estadu hamutuk $ 3 milaun resin.

Tuir Sekretariu Estadu Terras no Propriadades (SETP), Jaime Xavier Lopes katak, nasaun sira neebe maka harii nia embaixada iha Timor-Leste kada tinan, sira selu arendamentu ba estadu Timor Leste hamutuk $ 3 miliaun resin.

Embaisada sira neebe harii nia embaixada iha Timor-Leste desde kedas sira hahu harii iha rai nee, momentu neeba kedas sira selu arendamentu ba estadu tuir medida rai neebe sira okupa. Alende rai neebe sira halo sira nia embaixada, halo rezidensia nomos fatin kiik seluk sira aluga ba nee hamutuk kada tinan ida hamutuk $ 3 miliaun, sentu mil etal dollar,” dehan Jaime iha nia serbisu fatin, Bebora, Dili, Tersa (08/03/2016).

Jaime hatutan, rai neebe maka embaixada Amerika uza iha area Praia dos Couquieros kada fulan selu rihun 11,000 tanba rai luan. Fatin ida iha Motael avenida Portugal neebe mak embaixada Portugal uza  nee kada fulan selu rihun $ 3,788.

Nova Zelandia uza rai fatin rua kada fulan fatin ida  selu rihun $ 1,800  no fatin ida fali  rihun $ 2,150, embaixada Japaun uza fatin tolu hanesan sira nia embaisada rasik no fatin balun tan, kada fatin tolu nee ida rihun $ 2,780, rihun  2,200 no rihun 8, 807, embaixada  Irlandia  $ 200, Thailandia rihun 3,500, Brazil uza fatin rua ida selu $ 1,780 no ida seluk rihun 2,000 kada fulan, embaixada   Korea $ 1, 775 kada fulan, embaixada Portugal  $ 2000  no sira seluk tan. Informasaun kompletu iha STL Jornal no STL Web, edisaun Kuarta (9/3/2016). Domingas Gomes

LEAVE A REPLY

Please enter your comment!
Please enter your name here