DILI – Adjuntu Komisariu Komisaun Anti Korupsaun (KAK), Jose Neves, hateten maske KAK hetan kritika hosi publiku tomak inklui Permeiru Ministru Xanana Gusmao, maibe investigasan kontinua lao ba oin.
Adjuntu KAK Jose Neves hateten dadaun ne’e KAK investiga ona ema barak, no investigasaun ne’e relasiona ho ema no sasan estadu. Tamba ne’e maske hetan kritika husi ema barak inklui PM Xanana rasik, maibe investigsaun kontinua lao.
KAK investiga ona ema barak tanba ne’e hau labele koalia no investigasaun ne’e sempre liga ho ema ho sasan estadu nian, prosesu kontinua lao maske iha kritika barak hosi publiku maibe servisu lao nafatin, tanba servisu investigasaun ne’e kumpri lei se ita sai hosi lei ne’e ita kona mais kuandu tuir lei, lei sei salva ita, tanba ne’e investigasaun lao nafatin, hatete Jose Neves ba jornalista sira iha Salaun Canossa Becora Kuarta (18/02), wainhira partisipa iha loron aniversariu KAK ba dala 4.
Nia hatutan konaba kritika ne’ebe mai hosi Primeiru Ministru, Xanana Gusmao, hanesan ema politiku ida ne’ebe koalia tuir politiku nian, tanba ne’e nia mos sei la hatan konaba kritika ne’ebe mai hosi PM Xanana.
Iha fatin ketak Diretora ezekutivu ONG Forum Tau Matan, Ana Paula Sequera, husu ba PM Xanana atu labele kritika servisu KAK, maibe tenke rekuinese mos katak iha duni membru governu balu halo korupsaun. Informasaun kompletu iha STL Jornal no STL Web, edisaun Kinta (20/2/2014). Thomas Sanches