Kampana Ainaro, Kalohan Falun Metin Ramelau-Ainaro

AinaroKandidatura prezidente da republika ho numeru sorteiu 8,  Antonio Kalohan halao kampana iha munisipiu Ainaro, halo Kalohan falun metin Ramelau, tanba nee husu ba Ainaro oan sira atu apou ba Kalohan hodi ba tuur iha Aitarak laran, hodi ukun povu no nasaun ida nee.

Tuir Lito Rambo hanesan Sekretariu Jeral Conselu Politik Nasional (CPN) PD hatete, agora frente klandestina lafo fatin atu ema seluk ukun maibe fo ba Kalohan atu ukun hodi reprezenta frente klandestina hodi ukun Timor-leste, neebe  tempu ona jerasaun foun atu hatutan ukun neebe mak maun sira halao ona, i ohin nee halao kampana iha Ainaro kalohan falun ramelau metin ida nee signifika katak, Kalohan sei ukun.

 Haree Kalohan taka metin Ramelau, kablaki tanba nee Ainaro oan fo votus komfiansa ba Antonio hodi ba ukun, hau sente haksolok tebes tanba povu sira bele fo fiar ba Kalohan,” katak Rambo iha Kampana Kalohan Sesta (10/03/2017) iha Ainarao Villa, kampu futebol.

Nia  orgullu bainhira Khuntu fo apoiu ba Kalohan, ida nee  sente diak tanba agora tempu ona atu lori Kalohan ba tuur iha Aitarak laran. Neebe nia fotus  votus hahu kedas iha La Sama  mai too agora mos nafatin ba Kalohan, husu ba inan aman iha Ainaro hamutuk ho Naimori hodi lori Antonio ba iha Aitarak laran.

Nunee mos prezidente PD Munisipiu  Ainaro Comar Mendonca hatete,   “Ita hotu fo votus ba Kalohan hodi ba tur iha Aitarak laran, hanesan pr pd Ainaro ho kontente onhra boot ba partidu sira seluk mai hamutuk hodi organiza kampana ida nee husu nafatin apoiu,” katak nia.

Iha fatin hanesan Prezidente partidu Khuntu Armanda  Berta dos Santos hatete,  mai hamutuk hotu-hotu  lolo liman  ba malu, liu-liu ba feto maluk sira fo apoiu no fo votus ba Kalohan sae ba prezidente.

Nia hatete, buat neebe mak importante mak unidade nasional mak bele sai ezerse diak hodi haburas no hametin uma boot no nasaun ida deit neebe jerasaun tuan sira proklama tiha ona. Ida nee hanesan valor ida ba jerasaun foun nian, iha unidade nasional mak bele hetan toleransia hodi fiar laran metin hodi rezolve problema ho povu nia matenek ho diak no ulun malirin. Tanba nee kKlohan  sae ba PR laos atu interese grupu, familia no gensi, maibe iha komprimisiu ida neebe atu hodi hatutan istoria iha nasaun ida nee.

Nudar  prezidente Khuntu  husu  Khuntu oan hotu tenke koalia nudar manu ain ba violensia  nao atu koalia sim ba dame no domin atu nasaun tl bele forte no dame, hsu atu hamutuk fo apoiu ba Kalohan, i husu ba munisipiu Ainaro partidu Khuntu nia ema atu fo votus ba Kalohan.

Nunee mos Konselu superior PLP Francisco de vas Concelhos hatete, Kalohan iha fatin ida sempre mosu Kalohan, PLP partidu  foun maibe sira simu orientasaun husi maun Taur katak PLP fo apoiu  ba Kalohan, neebe husu ba militante sira hotu  atu asegura responsabilidade iha votasaun.

Entre tantu Koordenador partidu PUDD  Munisipiu  Ainaro Jose de Araujo Soares husu ba maun sira ou jerasun tuan atu fo oportunidade ba jerasaun foun atu hodi ukun, tanba Kalohan ema neebe iha kapasidade intelektual prontu atu lori povu kaik sira aileba sira  ba oin.

Husu ba lidre partudu sira hotu atu labele hatudu liman no oin toos ba malu, maibe hotu-hotu hamriik atu  hamutuk hodi labele se kotuk ba malu. Guilhermina Franco

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...