DILI– Relasiona ho numeru Dezempregu nebe’e mak to’o agora sai preokupasaun ema hotu, tanba governu rasik laiha politika diak hodi loke kampo servisu, bankada Opozisaun FRETILIN iha uma fukun Parlamentu Nasional (PN) konsidera joven sira stress bele hamosu konflitu iha rai laran.
Preokupasaun ne’e hato’o husi deputada Bankada Fretilin Ana Ribeiro ba STL katak governu mak persiza iha planu hodi loke kampu servisu ba jovem sira iha rai laran, tamba se karik tinan-tinan mak numeru dezempregu aumenta bele hamosu problema iha rai laran.
Ho numeru dezempregu ne’e bele hamosu problema iha ita nia rai laran, problema tanba kuandu ita hare ita nia rai laran mak Kampo servisu sei menus, fila-fali ba ema ida-idak nia konsiensia, se sira hanoin rai ida ne’e sira sei la halo problema no sei la kria konflitu, dehan Deputada Ana Ribeiro ba STL iha uma fukun PN, foin lalais ne’e.
Prezidente Komisaun B nebe’e trata asuntu Negosiu Estranjeirus, Defeza no Seguransa, Maria Lordes hateten, to’o agora joventude barak la kontinua ba Universidade, no barak hetan ona gradusaun, maibe sei abandonadu, tanba kampo servisu iha rai ida ne’e sei menus teb-tebes ba joven sira atu hetan servisu. Informasaun kompletu iha STL Jornal no STL Web, edisaun Sabado (20/7). Jasinta Sequeira
