Kanpres Tenke Tau Interese Povu, Iha Interese Grupu

DILI- Kandidatu Prezidente Republika neebe los, maka iha duni kapasidade no integridade atu tau interese povu nian, iha interese grupu nia leten.

Tribunal Rekursu anunsiu ona kandidatura nain walu maka sei kompete iha eleisaun Prezidensial. Kandidatu sira nee maka hanesan Francisco Guterres Lu-Olo, Jose Luis Guterres , Jose Neves Samalarua, Jose Luis Tilman, Amorim Vieirra, Angela Freitas, Antonio da Conceicao Kalohan no Antonio Fatuk Mutin.

Tanba nee kuandu eleisaun iha loron rua nuluh fulan Marsu mai, povu hili entre nain walu nee ida sai Prezidente Republika, tenke sai Prezidente ba povu hotu, laos ba grupu no familia deit, hodi sakrefika nasaun no povu nia moris.

Nunee mos sai Prezidente Republika tenke brani, halo mudansa diak iha nasaun ida nee, no sai mos aman neebe diak ba konfiansa neebe maka povu ofrese.

Nee duni se deit maka sai Prezidente Republika iha period 2017-2022, importante maka tenke garante paz no estabilidade, atu nunee povu kiik sira bele hakmatek hodi halao aktividade moris lor loron.

Espera katak, Prezidente Republika neebe maka povu fo fiar ba ukun, bele muda povu nia moris diak, atu nunee bele fo oportunidade ba Governu foun hodi halao dezenvolvimentu ida neebe ke diak ba futuru.

Tuir deputadu iha Parlamentu Nasional husi bankada Fretilin, Paulo Moniz Maia katak, Normalmente sidadun ida atu sai Prezidente Republika ba nasaun ida, klaru ke ema hotu hare husi figura neebe diak liu husi eleisaun.

Iha parte seluk kandidata Prezidente Republika Francisco Guterres Lu-Olo hateten, nia sei lori nia komprimisiu hato ba povu iha kampana, atu nunee povu bele eskolla. Carme Ximenes

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...