Kartaun Eleitoral Lakon, Komunidade Tenki Selu Multa

BAUCAU-Bazeia ba Lei Xefi Suku foun nebe implementa ona iha munisipiu hot-hotu, inklui Suku Tirilolo, maka komunidade neebe kartaun eleitoral lakon, tenki selu multa.

Objetivu sansaun nee atu eduka komunidade,” hateten Xefe Suku Tirilolo, Ricardo Ernesto Belo iha ninia knar fatin, Tirilolo Baucau Kinta (9/3/2017).

Regulamentu nee implementa bazea ba Lei Xefe Suku foun, Artigu 80 Numeru 09/2016, konaba kobra reseitas ba suku rasik.

Kartaun sira nebe importante maka hanesan Sertidaun RDTL, Bilete Indentidade no Kartaun Eleitoral. Tamba nee, nia husu ba komunidade Suku Tirilolo tenki respeitu regulamentus hirak nebe konsagra ona iha Lei Xefe Suku. Autoridade suku implementa regulamentu nee hodi prevene komunidade.

Iha komunidade balu halo lakon nia dokumentus no ba iha suku tenki asina surat deklarasaun. Ba sira neebe kartaun eleitoral lakon, sira tenki selu tasa $1.00. Osan nee reseitas ba suku hodi sosa tinta, sura tahan, no sasan sira seluk.

Regulamentu nebe ami implementa, nee laos suku mak halo maibe bazea ba buat neebe konsagra tiha ona iha lei xefe suku. Tamba nee husu ba komunidade tomak atu respeita lei ida nee. Rai no kuidadu didiak dokumentus importantes sira. Labele halo lakon, atu nunee tempu ruma presiza, labele halo ulun moras,” nia apela.

Xefe Aldeia Caisido Carlos de Assis Belo dehan sira prontu atu hato informasaun hirak nee ba to iha aldeia atu komunidade sir abele kumprende lei no regulamentu nebe implementa dadaun nee. Nunee mos lei nee hanesan parte ida atu fo hanoin bebeik ba komunidade sira nebe atu trata nia dokumentus atu fasil liu tan.

Ami nudar xefe aldeia kumprende ona lei nebe implementa oras nee dadaun iha suku. Ami mos prontu atu hato no habelar informasaun sira nee atu fo hanoin bebeik ba komunidades atu bele rai no kuidadu didiak sira nia dokumentus importante sira,”nia kualia.

Adre D. Belo nudar komunidade hatuir tan katak, los duni lei nee oras nee dadaun taka ona iha kuadru avizu sede suku nian no ema barak hare ona. Ida nee diak tamba atu bele fo hanoin ba maluk sira nebe nia inan no aman terseira idade nee tenki fo hanoin ba sira bebeik. Tamba kuandu terseira sira nia dokumentus hanesan kartaun eleitoral lakon ida nee mos prosesu naruk tan no simu osan tarde.

“Tuir hau nia hanoin katak lei nee diak no kapas atu fo hanoin ba inan aman sira terseira idade atu rai didiak nia dokumentus sira. Kuandu ita halo lakon ida nee dala ruma ita nia osan simu tarde,”nia tenik. Est4

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...