Kazu 1999 Iha Aileu, Tribunal Kontinua Rona Deklarasaun Sasin

DILI- Tribunal Distrital Dili (TDD) Kontinua rona deklarasaun sasin ba kazu sunu uma no oho populasaun balun, nebe deskonfia halo husi besih merah putih iha 1999 nebe akontese iha distritu Aileu, tamba Ministeriu Publiku Notifika Arguidu nain 8 mak deskonfia involve iha asaun ne’e.

Ministeriu Publiku notifika Arguidu nain 8 mak deskonfia involve iha asaun kazu sunu uma no mos oho populasaun balun iha 1999 nebe akontese distritu Aileu, arguidu hirak ne’e ho naran inisial mak hanesan AS, JA, DP, MC, AP, TM, JP ho MP.

Audensia Julgamentu kazu ne’e preside husi juiz koletivu kompostu husi juiz Julio Gantes, Jose Maria no Paulo Texeira, Ministeriu Publiku reprezenta husi Prokurador Jose Landim no Arguidu nain 8 hetan asistensia legal husi defensor Publiku Jose da Silva.

Audensia Julgamentu iha tribunal Distrital Dili, Segunda (08/07) Tribunal Distrital Dili rona deklarasaun husi sasin Cipriano Almeida, Domingos Tilman no sasin sira seluk nebe mak Ministeriu Publiku aprezenta ba Tribunal Distrital Dili.

Liu husi Audensia Julgamentu Cipriano Almeida hanesan Sasin ba kazu ne’e deklara ba tribunal katak  nia parte la konhese arguidu sira tamba iha tinan 1999 halai ba iha ailaran, maibe milisia sira konsege kaptura hodi lori mai iha vila atu hakoi populasaun nebe mak milisia sira oho.

Audensia julgamentu ba Kazu ne’e Tribunal adia fali ba loron seluk, hodi rona tan deklarasaun husi sasin sira tamba iha kazu ne’e Ministeriu Publiku aprezenta sasin kuaze ema nain 100 resin ba hahalok Besih Merah Putih nebe sunu uma iha Aileu 1999. . Informasaun kompletu iha STL Jornal no STL Web, edisaun Tersa (9/7). Timotio Gusmão

LEAVE A REPLY

Please enter your comment!
Please enter your name here

NEWS UPDATE

SEJD Ho Governu Australia Diskuti Dezenvolvimentu Juventude & Desportu

DILI, STLNEWS.co - Sekretariu Estadu Juventude no Desportu (SEJD) hamutuk ho Embaixador Australia ba Timor Leste, halo diskusaun oinsa atu dezenvolve seitor juventude no...

Gasta Orsamentu Boot, Roo Haksolok Sei Iha Inserteza

DILI, STLNEWS.co - Too oras nee roo Haksolok sei iha inserteza atu mai iha Timor-Leste, maski gasta ona orsamentu povu nian ho montante neebé...

Adelino Pineira Rai Henek Sustenta Familia

DILI, STLNEWS.co - Adelino Vila Nova ho idade 35, husi Munisipiu Ermera informa, liu husi pineira rai henek mak dalan diak hodi hetan osan...