DILI–Tribunal Distrital Dili (TDD), Segunda (7/10) halo julgamentu ba arguida Flavia de Jesus Serano no arguido Adriano Cunha Gomes, nebe deskonfia komete iha kazu abuzu poder no falsifikasaun dokumentus.
Ba kazu abuzu de poder no korupsaun ne’ebe deskonfia komete husi arguida Flavia da Silva Serano nudar eis Direktora Geral Gabineti Primeiro Ministro (GPM), ho arguido Adriano Cunha Gomes nudar ofisial financas iha Gabineti PM.
Arguida Flavia ho arguido Adriano deskonfia partisipa iha prosesu lubuk ida hanesan koredor, rehabilitasaun haris fatin, ekipamentus da informatika, rehabilitasaun edifisiu gabinete PM, natal konjunta, no bolsa da estudu.
Hafoin rona akuzasaun husi ministeriu publiku, arguida Flavia Serano deklara ba tribunal katak akuzasaun Ministeriu Publiku produs lalos. Tanba tuir lolos kompania nee atu kompete ba prosesu tender, tenki mai husi kompania lokal.
Audensia julgamentu ne’e lidera husi juis kolektivu, Juis Presidenti Jose Maria de Araujo, Julio Gantes, Duarte Tilman. Ministeriu Publiku reprejenta husi Procurador Gloria Alves no arguidu nain rua hetan asistensia legal husi defensor Fernando de Carvalho reprezenta husi Defensoria Publika no Defensor Internasional Zaime Leite. Informasaun kompletu iha STL jornal no STL Web, edisaun Tersa (8/10). Domingas Gomes
