DILI- Kazu Hamate Marcelina Pereira alias Alelo iha Hotel Malinamuk Paradice, Tribunal Distrital Dili Remata ona Rona Deklarasaun husi Sasin ba kazu homesidu ne’e, Ministeriu Publiku Notifika Jose Ricardo hanesan Arguidu.
Liu husi Audensia Julgamentu Tribunal Distrital Dili Kinta (11/07/2013) remata rona deklarasaun ikus husi sasin nebe mai husi parte Defeza mak hanesan Abilio de Jesus Dias nebe hanesan Seguransa iha Hotel malinamuk Paradice.
Sasin Deklara ba tribunal katak sasin komesa halao seguransa iha Hotel Malinamuk Paradise iha tinan 2004 no iha loron 12 Julio 2012, sasin Konsege hare Arguidu lao hamutuk ho nia tiun sai husi hotel iha loraik, kuaze tuku lima Arguidu la haten kanek iha nian isin lolon.
Kazu hotel Malinamuk Paradise nebe deskonfia Arguidu Jose Ricardo oho Vitima Marcelina Pereira Alias Alelo iha loron 12 fulan Juniu 2012 iha hotel Malinamuk Paradise nebe Arguidu kua sai hotu orgaun Vital vitima nian.
Ministeriu Publika Aprezneta Sasin ba kazu nee’e kauze nain 19 oras nee’e tribunal konsege rona hotu ona deklarasaun sasin, kazu ne’e Adia fali ba loron 25 Juliu hodi tama ba Alegasaun Final, kazu ne’e rejistu iha Tribunal ho numeru prosesu 861/2012/TDD. Informasaun kompletu iha STL Jornal no STL Web, edisaun Sesta (12/7). Timotio Gusmão