DILI- Kazu aman kiik ta’a maun nian oan nebe akontese iha Sub Distritu Maubara, Distritu Liquisa nebe ministeriu Publiku Notifika Alexandrino Brito hanesan arguidu, Ministeriu Publiku husu tribunal atu fo pena Suspenasaun ba Arguidu.
Liu husi audensia Julgamentu tama iha prosesu alegasaun Ministeriu Publiku nebe reprejenta husi Prokuradora Gloria Alves, husu ba tribunal atu hamonu pena suspensaun ba Arguidu Alexandrino Brito tamba prova duni arguidu ta’a vitima Cesar Brito, nebe hanesan arguidu nia maun nia oan.
Entertantu Parte defeza husi Arguidu Jaime Leite konkorda pena husi Ministeriu Publiku maibe presiza hare mos relasaun familia entre Arguidu ho Vitima, tamba oras ne’e arguidu ho vitima dame malu tiha ona, nebe hetan partisipasaun husi lider komunitaria iha sub Distritu Maubara.
Bazea ba akuzasaun nebe mak iha, Arguidu Alexandrino Brito iha loron 17 Maiu 2009, toba hela iha uma laran, lezado ho nia kolega sira hemu tua iha sira nia uma nebe besik malu, arguidu halo baroliu tan ne’e lezada ta’a vitima.
Iha Tribunal Vitima Cesar Brito ho nia aman Martins Brito deklara lakohi fo sasin ba tribunal ho rajaun tanba vitima sei iha relasaun hanesan aman Kiik ho arguidu. No Sasin Martins lakohi koalia tanba arguidu hanesan nia alin mane, tan ne’e nia desidi lakohi koalia ba tribunal atu hatodan nia alin nia kastigu. Informasaun kompletu iha STL Jornal no STL Web, edisaun Kinta (25/7). Timotio Gusmão