DILI- Tribunal Distrital Dili (TDD) absolve arguido Assis dos Santos husi kazu krime ameasa, tanba faktus la provado.
Liu husi leitura sentensa juisa singular fo sai faktus provado katak iha loron 14 Marsu 2014 arguido hare labarik sira halimar soe nu’u tahan iha nia uma oin. Nunee arguido ho kareta sai para iha labarik sira nia oin hodi dehan ba lejada Aurel Chely ho Zilson Bendito katak imi labele halo foer soe nuu tahan iha nee, selae hau lori kareta soke mate imi. Ho hahalok arguido nian nee halo labarik sira tauk.
Faktus la provado, arguido hasai duni liafuan nee ho livre maibe laiha intensaun atu soke lejada nain rua. Maibe husi nia ameasa nee para atu fo hanoin ka atensaun ba labarik sira atu labele halimar foer no halo foer iha fatin nee. Hare ba faktus no deklarasaun sasin nebe mai iha julgamentu tribunal absolve arguido husi krime ameasa tuir artigo nebe mak presta ona iha codigo penal Timor Leste nian.
Audensia nee prejide husi juis singular Jumiaty Freitas, reprejenta ministeriu publiko prokurador Felismino Cardoso, no arguido hetan asistensia legal husi advogado privado Zulmira Rosa Coreia. Informasaun kompletu iha STL Jornal no STL Web, edisaun Tersa (21/10/2014). Domingas Gomes
