Kazu Beach Garden, Arguido Ameasa Kadeia Tinan 4

DILI-Arguido Alsino Alves Correia nebe simu kadeia tinan 26 ba kazu krime homesidu, hodi oho manajer hotel Beach Garden ho nia kaben, kontinua hetan tan ameasa kadeia tinan 4 husi Ministeriu Publiku, tanba provadu naok sasan ema Australiano ida iha 2009.

Liu husi audensia julgamentu iha Tribunal Distrital Dili (TDD) Kinta (17/10) lokraik, tribunal fo sai akuzasaun husi Ministeriu Publiku hasoru arguidu katak iha loron 10 Setembru 2009, mais ou menus oras tuku 08:00 kalan, arguidu akompania ho nia kolega ida Martins Gusmao ba hotel planada iha parte Bairo-Pite, hodi hasai Australiana ida nia musila husi janela.

Sasan nebe iha musila laran mak hanesan kartaun kreditu, agenda, inklui, karteira no dokumentus importante seluk. Polisia identifika sasan hirak nee bainhira halo kapturasaun ba arguidu iha nia banin nia uma Bairo-Pite. No sasan nebe polisia sita nudar evidensia mak hanesan motorizada ho xapa matrikula kompletu nebe arguidu uja ba naok sasan, inklui mos vitima nia sasan balun nebe hetan iha arguidu nia uma mak hanesan aimoruk, agenda, musila, no dokumentus seluk nebe partensia ba vitima nian.

Ho hahalok refere Ministeriu Publiku akuza arguidu ho krime naok tuir lei penal TL. Depois rona akuzasaun arguidu deklara ba tribunal katak nia lahatene buat ida sobre akuzasaun refere.  Informasaun kompletu iha STL Jornal no STL Web, edisaun Sabado (19/10). Domingas Gomes

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...