DILI-Tribunal Distrital Dili (TDD) Sesta (27/12) absolve arguido Marcos dos Santos ho Agus Martins, husi kazu biogas nebe Ministeriu Publiku akuza arguidu Marcos hanesan autor ba krime administrasaun de nota.
Tribunal liu husi juis Dr.Jose Maria de Araujo hatete liu husi julgamentu nebe halao ona hodi rona testamunha sira nia deklarasaun. Barak maka deklara katak faktus nebe iha balun los no balun lalos. Nebe liu husi deklarasaun hirak nebe dehan katak arguido Agus Martins sosa kareta hodi utiliza ba nia interese nee la aprovado, tanba de faktus kareta nee nia utiliza hodi halao servisu ba projetu biogas nebe mak sei lao hela nee.
No deklarasaun husi arguido nain rua katak projetu nee agora lao no ahi lakan hela. To’o olio pezado tama maka ahi foin mate. No offisial husi sekretario estadu politika energetika nian mos halo hela observasaun ba projetu. Sira konfirma duni katak buat nee lao tuir proposal projetu.
Antes ne’e Tribunal Distrital Dili halao julgamentu ba kazu implemenstan projetu biogas nebe la tuir dalan hodi dada maun alin Agostu Martins hanesan diretur ba projetu biogas no Marcus dos Santos hanesan xefi gabineti iha Sekretariado Estado Politika Energetika iha IV governu sai arguidu.
Testamunha Julio Jose Ximenes hatete, nia konese arguidu nain rua tamba iha relasaun servisu. Nia haktuir iha 2010 momentu nee arguidu sira hatoo relatorio atu halo prosesu pagamentu, maibe Julio haruka nia fungsionario nain rua iha Sekretariado Estado Politika Energetika ba halo inspesaun. Informasaun kompletu iha STL Jornal no STL Web, edisaun Sabado (28/12/2013). Domingas Gomes
