DILI-kazu estudante oho malu iha Surabaya-Indonesia, Adidu Timor-Leste iha Indonesia sei nafatin serbisu makas buka dalan atu lori mate isin ne’e fila mai iha Timor-Leste, hodi entrega ba familia.
Lia hirak, ne’e hato’o husi Ministru Edukasaun Bendito Freitas ba Jornalista Sesta (11/10) iha Kaikoli katak, nudar Timor oan, ba eskola iha rai liur tau a’an hodi respeitu lei iha ema nia nasaun, importante maka familia nebe hakarak haruka sira nia oan ba rai liur tenki iha konhesementu husi Ministeriu Edukasaun.
Kona ba problema ne’e, Adidu Edukasaun Timor-Leste nian iha Indonesia Surabaya, halo serbisu makas hela atu nune’e hodi mate isin mai iha Timor-Leste, maibe pena tanba ita Timor hotu lakon, tanba iha tinan ida ne’e mesak estudante deit mak oho malu, ida ne’e hatudu ezemplu ladiak, dehan Ministru Edukasaun Bendito Freitas.
Iha parte seluk, Prezidente Komisaun F Virgilho da Costa Hornai hatete, kona ba estudante sira nebe mak oho malu, foin lalais sira ba halo vizita hodi hasoru malu ho estudante sira iha Indonesia, fo motivasaun, maibe tamba sa mak sira kontinua oho malu?. Informasaun kompletu iha STL Jornal no STL Web, edisaun Sabado (12/10). Guilhermina Franco