DILI—Prosesu investigasaun nebe halao husi Polisia Nasional Timor Leste (PNTL), liu husi servisu investigasaun kriminal (SIK), intrega ona autor nain 2 ba kazu Marconi Fatuhada, nebe hamate vitima Antonio Duarte, ba primeira introgatoriu iha trubunal Distritu.
Tuir komandante interinu investigasaun nasional, inspetor Manuel Alves, ba jornalista sira hateten, prosesu kona ba autor nain rua nebe sona mate vitima Antonio da Costa Duarte iha area Marconi Fatuhada tama ona iha prosesu investigasaun.
Horseik kedas ami halo prosesu investigasaun tan ba iha autor Joao Baptista “Kibata” nebe maka iha Tersa kalan ne’e hamutuk ho utor Januario Pereira, nebe sae motor iha kotuk hodi sona mate vitima Antonio, tanba nee maka oras nee prosesu investigasaun remata ona, no intrega ona ba parte tribunal hodi halo primeira introgatoriu ba autor nain rua tuir proseu lei nebe iha, dehan komandante Manuel iha kaurtel jeral PNTL Kaikoli Dili, Sesta(27/09/2013).
Manuel mos afirma tan, sira nain rua tama ona ba primeira interogatoriu, no sira seluk nebe maka iha momentu nee polisia kaer halo mos investigasaun ba sira, hein deit katak tribunal mos sei bolu sira hodi ba hatan iha prosesu primeira interogatoriu. Informasaun kompletu iha STL Jornal no STL Web, edisaun Sabado (28/9). Sonia Ferreira-Tomas Sanches
