Dili-Tribunal Distrital Dili (TDD) kontinua rona deklarasaun husi testamunha sira, konaba kazu abuzu poder nebe komete husi eis Diretora Jeral Gabinete Primeriu Ministru, Flavia de Jesus Soriano inklui oficial financas Adriano da Cunha Gomes.
Iha julgamentu nee tribunal kontinua rona deklarasaun husi testamunha nain 6. Nain lima nudar eis fungsionariu publiku iha gabineti PM no ida hanesan Manager Kompania Alene, nebe sai vensedor ba gabineti PM iha tempu neba.
Sasin nain ne’en nemak Martinho Goncalves, Lidia Fernandes, Ruben dos Santos Pires no Gregorio Antonio Fernandes, Mateus no Jose Monterio. Liu husi julgamentu sasin Lidia Fernandes hatete, nia parte konese arguida Flavia hanesan nia mae nia prima. Nia hetan bolsa estudu liu husi avisu nebe taka iha kuadru palacio governu nia oin.
Iha audensia julgamentu nee lidera husi juis kolektivu Jose Maria de Araujo, Julio Gantes, Duarte Tilman. Ministeriu Publiku reprejenta husi Procurador Gloria Alves no arguidu nain rua hetan asistensia legal husi Defensor Fernando de Carvalho reprezenta husi Defensoria Publika no Defensor Internasional Zaime Leite. Informasaun kompletu iha STL Jornal no STL Web, edisaun Sabado (12/10). Domingas Gomes