DILI- Kazu Hamete Vitima Ana Vitoria Perreira nebe Ministeriu publiku Notifika Francisco Moniz Pereira hanesan Arguidu, Tribunal Primeiru Instansia hamonu kastigu tinan 15 tamba tribunal Konfirma Akuzasaun nebe mai husi Ministeriu Publiku durante iha prosesu Julgamentu.
Liu husi Leitura Akordaun Sesta (23/08/2013) iha tribunal Distrital Dili katak Tribunal prova faktus no akuzasaun mai husi Ministeriu Publiku, katak Arguidu Francisco Moniz Pereira Hanesan Vitima nia kaben komete krime Violensia Domestika no Omesidu Agravadu hasoru vitima Ana Vitoria Alias Aifunan iha Karimbala.
Bazea ba Desizaun ne’e tribunal mos husu Arguidu atu selu kustu justisa ho montante orsamentu dolar 100 ba kustu judisiariu, tamba tribunal hare ba kondisaun Arguidu nebe mak iha osan atu selu kustu judisiariu ne’e.
Remata Desizaun Arguidu Francisco Monis Perreira ba liu iha prizaun Becora hodi kompri desizaun nebe mak Tribunal Primeiru Instansia hasai hasoru Arguidu ba hahalok nebe mak Arguidu halo iha loron 28 Outubru 2008, wainhira Arguidu ho vitima fila husi Kupang Indonesia mai iha Timor Leste. Informasaun kompletu iha STL Jornal no STL Web, edisaun Sabado (24/8). Timotio Gusmão