DILI- Tribunal Distrital DIli (TDD), Kinta (23/1) kontinua halao julgamentu ba kazu furtu agravadu, maske arguidu Jose Hexa halai ba Atambua-Indonesia. Arguidu halai ba Atambua-Indonesia iha tinan kotuk, maibe tribunal prosesu lao nafatin.
Tuir deklarasaun lezada Evangelino Monteiro Alves katak, nia la hare motor ne’e se mak foti, maibe momentu nee Julhu 2009, iha Igreja Motael lezada para hela nia motor iha liur atu ba tuir misa. Wainhira misa hotu mak nia sai mai, hare motor la iha ona. Nunee lezada ba kedas iha estasaun polisia Caicoli no Comoro hodi fo informasaun.
Depois hau fo informasaun ba polisia loraik nee hetan kedas, polisia sira telefone hau dehan motor hetan ona iha Farol. Nunee hau ba kedas iha fatin hodi foti motor, dehan Evangelino ba Tribunal.
Iha fatin hanesan testamunha Francisco Soares hatete, nia mos la hare se mak foti motor nee, maibe iha momentu nee testamunha ne’e jaga hela iha embaixada Brazil iha Palapaso. Derepenti nia hare arguidu dudu motor lao iha oin, nunee nia husu ba arguidu tanba saida mak motor at. Nunee arguido hatan katak, motor mina la iha. Informasaun kompletu iha STL Jornal no STL Web, edisaun Sesta (24/1/2014). Domingas Gomes