DILI-Ministru Justisa (MJ) Deonisio Babo hatete, sidadaun Koreanu mane ida nebe mak Polisia imigrasaun Indonesia sira deskunfia nia laos ema Timor, hodi haruka fila mai Timor, tanba falsifika dokumentus. Oras ne’e ema ne’e iha hela polisia imigrasaun nia liman hodi halo inkeritu.
Ba kestaun ne’e Ministru Deonisio Babo husu ba director deiresaun registu notariadu atu toma atensaun ba asuntu ne’e, se iha duni falsifikasaun dokumentu tenki lori prosesu ne’e ba oin. Ministru ne’e rasik mos rona ona informasaun husi media social.
Hau hatete tiha ona katak ami simu informasaun nee liu husi media sosial dehan katak iha pasaporte ida iha tinan 2004 ba ema nia aman ida nebe dehan moris iha parte Atabae ka Atsabe nian. I ema ne’e tuir imigrasaun Indonesia nian, sira deskunfia katak nia laos ema Timor. Nebe nia hetan tiha deportasaun tanba nia hela iha neba ilegalmente, haruka mai Timor. Tanba nemak agora ita tenke halo cek fali. Hau rona dehan katak ema ne’e to’o tiha iha nee, iha polisia imigrasaun mak halo inkeritu no prosesu hela ba nia, dehan MJ Babo ba jornalista iha salaun Centru Formasaun Juridica, Kaikoli, Segunda (24/02).
Nia hatutan, iha tinan liu ba koalia ona ho eis direitor nasional registu notariadu para atu halo investigasaun. Tanba laiha falsifikasaun dokumentus, basaa buat hotu halo ne’e baseia ba dokumentus nebe mai. Nebe iha kazu ne’e, file sira nebe mak iha cek hotu ona. Informasaun kompletu iha STL Jornal no STL Web, edisaun Tersa (25/2/2014). Domingas Gomes