DILI—Kazu Suzana Gloria Pinto, nebe deskonfia nia doben mak oho oha area Bebora, familia vitima rezeita katak laos nia doben mak oho, tamba autor nebe deskonfia oho vitima Suzana dadaun ne’e hemu Baygon no halao hela tratamentu iha Hospital Nasional Guido Valadares (HNGV).
Tuir esplikasaun klaru hosi vitima nia inan rasik Josefa Caibete, katak durante nia moris, vitima nunka ransu ho ema se deit, ba eskola fila mai nia halao’o ninian servisu hanesan suku kustura iha uma laran. Nune’e mos iha atividade seluk nebe’e maka nia tuir hanesan TEATRU iha Knua Buka Hatene (KBH) no tuir kursu inggles.
Maibe’e atu hateten katak, autor ne’ebe maka oho hau nia oan nee uluk nia aluga ami nia uma hanesan uma kos, iha uluk pernah autor nee mai dere hau nia oan nia janela kuartu, maibe’e vitima nia maun mos hare hela no hase ba iha autor nee, tanba saida maka o ba dere fila fali hau nia alin nia janela nee, depois mosu tia autor nee hatan lae hau dere halimar deit, esplika Josefa ba STL iha nia uma Bebora Dili, Segunda (09/09)
Nia mos agradese ba Polisia, tanba bele detekta lalais no kaer ona autor ne’ebe oho nia oan Suzana. Nia mos rona autor nee hemu Baygon, maibe’e la mate. Nia hansesan ina faluk, no vitima nia maun lain sira hotu hakarak prosesu ba autor nee tenke prosesa tuir lei nebe’e vigora.
Entretantu tuir komadante servisu investigasaun criminal (SIC), superintendete Calisto Gonzaga, hateten prosesu ba kazu Suzana ne’e, autor polisia kaer ona iha momentu nee kedas, liu hosi detekta mensajen hosi telephone nebe’e autor manda mai iha vitima, altura nee kedas polisia foti vitima nia telephone, atu nune’e bele hatene lalais autor nebe’e maka oho vitima Suzana. Informasaun kompletu iha STL Jornal no STL Web, edisaun Tersa (10/9). Sonia Ferreira-Luciana