DILI—Komadante Unidade Patrulha Fronteira (UPF), Superintedente Polisia Agustinho Gomes, informa, kazu nebe akontese iha fulan hirak liu ba, nebe dehan forsa Tentara Nasional Indonesia (TNI) tesi komunidade nia Ai iha parte fronteira, nee rejolve no entrega ona ai ba komunidade sira iha area refere.
Superintendenti Polisia Agustinho hateten tanba nee, agora laiha tan problema entre parte TNI no komunidade sira iha areas Memo, kazu ne’e UPF ho forsa Indonesia resolve ana iha fulan hirak liu ba.
Ami UPF hamutuk ho forsa RI Satgas Pamtas TNI sira rejolve tia ona iha fulan hirak kotuk ba, hafoin problema tesi Ai nee akontese. Ami konsenge rejolve no entrega hikas fali Ai sira nee ba komunidade sira bele dehan laiha tan problema entre TNI no komunidade sira iha fronteira, dehan Agustinho.
Iha sorin seluk Administrador sub Distrito Balibo, Paulino dos Santos, hateten kona ba problema nebe maka akontese iha fronteira nee, sira la hatene, maibe sira husi parte Memo maka hatene kona akontesementu ne’e. Informasaun kompletu iha STL Jornal no STL Web, edisaun Tersa (17/9). Sonia Ferreira