Dili- Prokuradoria Jeral Republiku halo prosesu ketak hasoru ajente Policia Nasional Timor Leste (PNTL)no mos Falintil Forsa Defeza Timor Leste(F-FDTL), tamba azente dala barak komete krime violasaun diretus humanus iha nasaun Timor Leste.
Tuir prokurador Jeral Republika Jose Ximenes katak kona ba violasaun Direitus Humanus, Ministeriu Publiku iha prosesu ketak, tamba azente nebe mak dala barak komete krime violensia direitus humanus.
Ita iha kategora kazu violasaun direitus humanus nebe involve husi membru F-FDTL, PNTL ninian prosesu lao balun hetan akuzasaun no mos balun sei iha prosesu investigasaun, dehan Prokurador Jeral Republika Jose Ximenes ba STL, Kinta (12/09/2013) iha Sentru Fromasaun Juridiciariu Caicoli.
Nia parte la fo numeru nebe serteza ba kazu violasaun direitus humanus, nebe konsege rejista iha Ministeriu Publiku, maibe Prokurador Jeral Republika iha ninia dadus estatistiku ketak kona ba kazu krime violensaun direitus umanus. Informasaun kompletu iha STL Jornal no STL web, edisaun Sabado (14/9). Timotio Gusmão