KI Realiza Enkontru Ho MO

DILI, STLNEWS.co – Konsellu Imprensa (KI) realiza enkontru ho Media Officer (MO) sira husi instituisaun publiku, instituisaun estadu nian, inklui Polisia Nasiona Timor Leste (PNTL), FALINTIL Forsa Defeza Timor Leste (F-FDTL), nomos orgaun departamentu relevansia.

Tuir Konselleiru KI, Francisco Bello Simões da Costa, katak ohin realiza enkontru ho MO sira, koalia konaba oinsa introdus lei komunikasaun sosial, liu – liu artigu ida neebe mak koalia konaba direitu de resposta ne’ebe notifikasaun, tanba bainhira KI eziste iha tinan 2016 to’o ohin loron, sosiedade, entidade estadu, relasaun públiku sira ladún inteira, oinsa mak utiliza direitu de resposta no ratifikasaun ida nee.

“Ita husu ba media sira halo sensibilizasaun ba iha Media Officer ho Official Media sira iha instituisaun estadu, atu nunee ba oin oinsa bele uza direitu de resposta ratifikasaun, no ita uza maneira oinsa mak ita halo, tanba iha direitu de resposta ne’e dala barak utiliza sala,” dehan Francisco Bello Simões da Costa ba jornalista sira iha salaun KI, Quintal Boot, Kinta nee (16/09/2021).

Nia dehan, ho nunee KI halo enkontru ho pessoal relasoens publiku no Media Officer sira, oinsa introdus knaar balun neebe relasaun ho direitu de resposta no ratifikasaun nee.

Iha fatin hanesan, porta voz Komando Jeral PNTL, Superintendente Arnaldo de Jesus, hatete sira hetan konvite ida nee husi komando jeral, neebe simbolika porta voz mai partisipa iha nee, konaba direitu no partisipasaun.

“Hau hanoin enkontru nee diak tebes, liu – liu iha vida jornalismu nian oinsa ita entende diak, bainhira jornalista ida atu fo sai informasaun, nia tenke kontaktu lai ho fontes, para informasaun neebe fo sai nee serteza,” tenik nia.

Nia dehan, ba oin nee tenke ser hadia, liu – liu husu ba media sira bainhira atu hasai informasaun ida, husu ba editor sira atu bele edit didiak, depois husu atu labele fahe informasaun neebe mak bosok.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...