Klase Paralelu Cristal 2 Funsiona, ANAAA Kontinua Avalia

DILI – Durante nee Institutu Superior Cristal (ISC), loke ona klase paralelu iha Munisipiu hotu, maibe ikus mai rua mak hetan lisensa husi diresaun ensinu superior ME no ANAAA, hodi bele halao prosesu aprendizajen.

Ba kestaun nee Reitor ISC, Sebastiao Pereira hatete, klase paralelu neebe mak durante nee loke iha Munisipiu, agora rua mak funsiona, ida iha Same no ida seluk iha Baucau, tanba rua nee mak sira hetan lisensa husi parte Ministeriu Edukasaun (ME) no Ajensia Nasional Akademia Avaliasaun Akreditasaun (ANAAAA), para bele halao sira nia prosesu aprendizajen.

Hau hanoin konaba klase paralelu neebe mak durante nee ami loke iha Munisipiu, ami nia klase paralelu iha Oecusse, Aileu, Maliana, Ermera, Viqueque nee taka hotu, sira neebe mak taka nee, tanba haree ba iha fasilidade, kondisaun, inklui dosente sira neebe mak atu hanorin estudante sira,” dehan Sebastiao ba STL liu husi via-telefone, Segunda (13/03/2017).

Sebastiao akresenta, klase paralelu neebe mak taka, ba oin ISC sei hatama fila-fali relatoriu, hodi nunee bele priense kriteiru neebe mak husi diresaun ensinu superior inklui ANAAA, haree fila-fali kondisaun no fasilidade neebe mak sira prepara.

Iha fatin la hanesan, Diretor ezekutivu ANAAA, Edmundo Viegas dehan, konaba klase paralelu neebe loke iha Munisipiu, ANAAA sei kontinua halo avaliasaun, bainhira sira la priense kriateria, sira tenke taka, maibe sira taka nee taka total, maibe fo fali ba sira, atu bele hadia fila-fali sira nia kondisaun no fasilidade, inklui fatin.

Bainhira sira la priense kriateria, sira tenke taka, maibe sira taka nee laos taka total, fo fali ba sira, atu bele hadia fila-fali sira nia kondisaun no fasilidade, inklui fatin, tanba agora Cristal no IOB rua sei funsiona hela iha Munisipiu,” dehan nia.

Nunee mos Reitor DIT, Manuel Vong hatete, diak liu ensinu superior sira labele loke deit iha sidade Dili, maibe oinsa mak atu loke iha Munisipiu, para  estudante sira bele kontinua sira nia estudu iha Munisipiu, para sira bele dezenvolve mos sira nia Munisipiu.

“Hau nian hanoin nee diak liu ita nia ensinu superior sira, ita labele loke deit iha sidade Dili, para ita nia estudante sira bele kontinua sira nia estudu iha Munisipiu, para sira bele dezenvolve mos sira nia Munisipiu, hanesan agora klase paralelu neebe mak ita loke, bainhira lapriense kriteriu, ME ho  ANAAA iha kompetensia para atu kontrola,” dehan nia. Jacinta Sequeira

 

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Barik Air

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorario doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...