DILI- Komadante Serbisu Investigasaun Kriminal Nasional (SIKN), Calisto Gonzaga Sesta aban (22/11/2013) sei ba hatan iha Tribunal, tamba ema moris iha Lei nia okos, maske ba iha neba iha diferente balun ba lori naran Pesoal, no balun ba lori naran de Instituisaun, tamba nee nia ba lori Instituisaun nia naran, laos Gonzaga maka atu ba koalia iha Tribunal.
Ba jornalista sira, Calisto hateten nia rasik sei ba hatan iha primeiru audensia iha Tribunal, Sesta (22/11/2013), relasiona ho kazu nebe akontese iha 2012. Nia rekonhese katak ema hotu iha lei nia okos, tamba ne’e nia mos sei kumpri lei iha nasaun ne’e.
Tamba nee maka iha loron (22/11/2013) hau sei ba hatan audensia primeiru iha Tribunal, tamba kazu nee kleur ona deste tinan 2012 nian, no atu dehan deit katak ema hotu hotu konsideira ita nia Lei nee, labele dehan ema nebe kaer Lei la konsideira tan nee maka hotu hotu tenke ba iha neba, hodi prosesa lia los nee iha fatin neba, dehan Komadante SIKN, Calisto ba Jornalista, Kinta (21/11/2012) iha nia knar fatin Kuartel Jeral PNTL, Caicoli Dili.
Nia mos informa liu tan katak Ministeriu Publiku akuja nia artigu rua maka hanesan Abuzu de poder no naun Partesipasaun, tan nee nia prontu atu ba hatan iha tribunal, tamba nia halo sala ona ba buat ruma karik, maibe nia ba lori instituisaun nia naran, tamba nia halao buat nebe maka instituisaun levanta no mos Governu nia kuinesementu. Informasaun kompletu iha STL Jornal no STL Web, edisaun Sesta (22/11/2013). Madalena Horta