LIQUICA- Atu kombate Korrupsaun Iha rai laran, Presiza halo mudansa Kultura Iha nasaun Timor Leste tamba iha Kultura balun nebe bele lori Timor oan sira, hodi involve Iha Aktividade Korrupsaun nebe bele hamonu estadu.
Informasaun ne’e fo sai husi Prezidente Komisaun Funsaun Publiku, Liborio Pereria liu husi Seminariu nasional Organiza husi Komisaun Anti Korrupsaun, hodi halo preparasaun atu Komemora loron Mundial Kontra Korrupsaun nebe monu iha 9 Dezembru tinan ne’e.
Luta Kotra korrupsaun Ejiji Mudansa Kultural, ita hakarak kombate duni korrupsaun ita tenki halo mudansa iha ita nia kultura liu husi Atetude no hahalok, tamba iha Kultura balun bele Kontribui ba Hahalok Korrupsaun, dehan Liborio.
Iha fatin hanesan Adjuntu Komisariu KAK Jose Neves Informa Laos kultura Timor tomak maka fator ida hamosu korrupsaun, maibe iha praktika balun husi kultura iha Sosiedade Timor sai risku ba Korrupsaun. Informasaun kompletu iha STL Jornal no STL Web, edisaun Kuarta (4/12/2013). Timotio Gusmao