DILI-Estrutura Partidu Fretilin halo Komemorasaun loron Partidu Asosiasaun Sosial Demoktrata Timorense (ASDT) nebe transforma ba Frente Revolusionariu da Timor Leste Independete (FRETILIN), ba Dala 39 tamba tempu ona atu hatur hitoria nebe los maske ulun boot balun komesa subar historia luta Timor Leste.
Liu husi Konferensia Inprensa Fundador Partidu ASTD Transforma ba Fretilin Atual Sekretariu Zeral Partidu Fretilin Mari Alkatiri informa, Fretilin moris ho objeitu atu halibur ema hotu tan ne’e halo kontaktu ho partidu seluk hodi hamoris frente ida maibe partidu balun la konkorda.
Dala barak ita haluha 11 Setembru maibe 11 setembru marka diferensia nebe Afirma Timor Leste hanesan nasaun no frente nebe atu halibur ema hotu, husi Fretelin mak mai buat hotu-hotu hanesan Falintil, RDTL ho independensia sira nee’e hotu mai husi Fretilin, dehan Mari Alkatiri iha Salaun Sede Fretilin Comoro liu husi Konferensia inprensa Kuarta (11/09/2013) hodi Komemora 11 Setembru bad ala 39.
Iha fatin hanesan Prezidente Partidu Fretilin Francisco Guterres “Lu’Olo” hatete kada tinan Fretilin sempre komemora loron transformasaun ASDT ba Fretilin, tamba loron nebe mak historiku hodi analiza no foti desizaun politika ba luta ukun rasik aan. Informasaun kompeltu iha STL Jornal no STL Web, edisaun Kinta (12/9). Timotio Gusmão-Martinha Gusmão