DILI– Tribunal Distrital Baucau foin lalais aplika pena kastigu tinan 18 ba arguidu ho inisial LF, tanba tribunal ne’e prova Arguidu halo krime violasaun seksual hasoru nia oan rasik, bazea ba faktus nebe mak Tribunal hetan liu husi Audensia Julgmanetu.
Tribunal Distirtu Baucau konklui kondenasaun ne’e bazeia ba faktus privadus sira nebe tribunal produs liu husi konfiksaun arguidu, no deklarasaun lezada no relatoriu mediku sira, nebe konsege produs no akuzasaun mai husi Ministeriu Publiku.
Bazea ba akuzasaun Ministeriu Publiku akuza arguidu LF komete krime violasaun relasaun seksual hasoru nia oan rasik kuaze dala tolu iha loron 3 Janeiru 2012, no loron 3 no 6 fevereiru 2012, hahalok husi arguidu nian kauza to’o lezada hetan isin rua. Krime refere ho natureza violensia domestika no insestu tanba lezada nia aman rasik mak arguidu.
Ministeriu Publiku akuza arguidu ko krime violasaun nebe previstu iha artigu 172 no artigu 173 alinea (d) kodigu penal konaba violasaun seeksual ho agravasaun no artigu 14 konaba krime kontinuadu.
Audensia julgamentu ne’e prezide husi juiza Angela Faria, Hugo da Costa Pui,Ministeriu Publiku reprejenta husi procurador Duarte Tilman, no arguidu hetan asistensia legal husi defensor Gregoriu de Lima. Informasaun kompletu iha STL Jornal no STL Web, edisaun Kinta (26/9). Timotio Gusmão