Dili-Eis Presidente komisaun B Parlamentu Nasional (PN) Maria Lurdes ”Bessa” la konkorda ho votasaun nebe halo husi Membru komisaun B asuntu defeze, seguransa, Negosiu Estrangeiru tamba wainhira asina akta no halo votasaun troka presidente komisaun, nia rasik laiha oin ba votasaun ne’e.
Tuir Eis Presidente komisaun B Maria Lurdes Bessa katak, kona ba kestaun troka tuir nia lolos bele konfirma ba deputadu David Diaz Ximenes, tamba nia maka hatete katak nia lakon konfiansa ba presidente komisaun.
Hau rasik sai ba iha liur (Casa De Banho) no hau sai ba iha Vice Presidente, hau ba iha nia bankada no hau ba fila-fali atu asina akta no halo votasaun foun, maibe hau to iha komisaun B nia laran ema laiha ona, no hau sai sira nain 8 halo elisaun mesak hau rasik la marka prezensa ba votasaun ne’e, no ne’e hanesan kontra etika nebe ladun diak tamba atu vota iha membrus nain 9, membrus nain 9 hotu tenki vota no sira rasik la brani vota iha hau nia oin, espelika Bessa ba jornalista sira iha PN, Sesta (13/12/2013).
Iha fatin hanesan Deputadu Duarte Nunes, Vice Presidente Komisaun B hatete, kazu ne’e rasik sira la hatene, tamba sa troka kargu Bessa ba Mandati, maibe uluk sira atu hili komisaun eventu ba iha meja komisaun no deputada Lurdes Bessa hamutuk ho Fretilin halo pakote ida no pakote ne’e hetan votasaun nebe barak.
Wainhira media husu informasaun resultadu husi Deputada Maria Lurdes Bessa, husi Presidente Parlamentu Nasional hatete nia ho assessor sira sei hare no to’o agora seidauk simu informasaun kona ba kargu troka Preseidente komisaun B. Informasaun kompletu iha STL Jornal n STL Web, edisaun Sabado (14/12/2013). Jesuina Da Costa