Komunidade Soibada 65% Asesu Bee Moos Husi PNDS

DILI, STLNEWS.co – Komunidade Postu Administrativu Soibada kuaze 65% mak asesu ona ba bee moos husi Programa Nasional Dezenvolvimentu Suku (PNDS).

Tuir Xefe Teknika PNDS Postu Soibada, Terezinha da Costa Moniz hatete, durante implementa PNDS iha 2013, liu – liu iha setor agua no saniamentu nian konsege konklui ona projetu hamutuk sanulu resin lima (15).

“Projetu hamutuk sanulu resin lima (15) foka liu ba instalasaun bee moos ba komunidade sira, no tuir dadus hatudu katak komunidade Soibada kuaze 65% mak asesu ba bee moos husi PNDS,” dehan nia ba STL liu husi telefone, Kuarta nee (01/09/2021).

Nia dehan, durante implementasaun projetu PNDS nian nee foka liu ba bee, tanba komunidade iha Soibada maioria aprezenta problema falta bee moos.

“Iha ami nia menu indikativu PNDS nee iha setor lima (5) mak hanesan, saneamentu no bee moos, agrikultura, edukasaun, saude no infraestrutura estrada rural,” tenik nia.

Nia dehan, tuir menu hirak nee maioria agua saneamentu, Saude konstrui Klinika ida, inkliu ponte kiik no ateru estrada rural.

Enkuantu total orsamentu ba projetu hirak nee implementa ba suku lima (5) iha Postu Soibada, kada suku hetan orsamentu ho montante US$ 48,500.

Iha fatin ketak Prezidente Autoridade Postu Administrativu Soibada, Munisipiu Manatuto, Faustino Manuel da Cruz Lopes haktuir, liu husi PNDS nia rezultadu pozitivu tebes, tanba dadaun nee komunidade hotu bele asesu ona bee moos ho diak.

“Uluk programa PNDS seidauk implementa iha postu Soibada nee iha suku (2) rua deit mak asesu ba bee moos, suku tolu (3) seluk laiha,”

Nia agradese tebes ba ekipa Programa Dezenvolvimentu Suku (PNDS) nia implementasaun programa diak tebes, hodi responde ba ezijensia komuidade nian no ohin loron komunidade Soibada asesu ba be’e moos ho diak tebes.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: