Konfinamentu Obrigatoriu Impede Serbisu Advogada

DILI, STLNEWS.co – Konfinamentu obrigatriu halo ema labele movimentu ba mai hodi impede serbisu advogada sira nian, tanba la iha prosesu foun no kliente labele ba halo konsultasaun ba prosesu hirak neebe sira kaer.

“Hau pessoalmente, konfinamentu obrigatoriu iha Dili nee impede tebes hau nia serbisu, tanba hau nia kliente iha maibe sira labele mai hasoru hau, tanba iha Dili aplika hela konfinamentu obrigatoriu,” dehan advogada privada, Belmira Fernanda Soares ba STL, iha TDD, Tersa (04/05/20201).

Nia hatutan, advogadu privadu nee depende ba iha kliente, tanba nee se konfinamentu obrigatoriu kontinua lao maka sira nia serbisu labele lao.

Nunee kliente sira mos labele ba hasoru sira, tanba transporte publiku la halai, ho ida nee defikulta tebes tanba kazu foun la iha, iha kazu tuan maibe nee depende ba notifikasaun husi Tribunal.

Iha fulan oin karik atu estende tan konfinamentu obrigatoriu, husu governu atu tau mos importansia ba serbisu tribunal nian, liu liu aplika regra ida neebe bele fo tempu ba ema, atu buka moris hodi sustenta nesesidade loron loron nian.

“Se lae sira bele araska, tanba serbisu la iha sira nia serbisu laos governu kada fulan salariu tama firme,” dehan nia.

Iha fatin hanesan advogadu, Pedro Apariçio hatete, atu prevene an husi pandemia neebe iha, husu tribunal atu kazu kontinuasaun sira bele adia, importante asegura prazu neebe iha.

“Moras nee agora komesa hadaet ona, no tuir informasaun mos Tribunal Rekursu no Tribunal Distrital Dili iha ona balu maka pozitivu, tanba nee haree kazu kontinuasaun sira bele adia no asegura deit prazu nebee maka iha,” dehan Apariçio.

Hatan ba Advogadu Pedro nia preokupasaun nee, Juiz Titular Jose Goncalves dehan, haree mos ba situasaun sira nee hotu, maka tribunal atende deit kazu urjente.

Tanba nee, sira nafatin apela ba ema neebe ba iha tribunal, kumpre nafatin regra ka protokulu husi Ministeriu Saude, hodi evita hadaet husi pandemia nee.

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Kazu Espoza Teofilo Caldas; GMPTL Husu Mane Labele Sama Parseira

DILI, STLNEWS.co - Relasiona ho kazu Sekretariu Estadu Arte no Kultura (SEAK) Teofilo Caldas nia feen kaben, mate tanba deskonfia tara aan, Grupu Mulheres...

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...
%d bloggers like this: