Kontrola Estranjeru Iha TL, PN Aprova Lei Imigrasaun

DILI-Parlamentu Nasional halo aprovasaun ba lei Imigrasaun ajilu, no estabelesementu Lei nee atu kontrola diak liu tan sidadaun estranjeiru sira neebe maka tama sai livre iha rai laran.

Liu husi sesaun Plenaria, membru parlamentu nasional sira preokupa tebes ho atividade negosiu neebe lao iha TL domina tebes ho ema estrajenru sira, balun mai ho vistu atu halo negosiu no balun mai ho vistu turista no too iha TL halo fali atividade seluk.

Tuir Deputadu Eladiu Facultu katak, dala barak parte imigrasaun la halao nia knar ho lolos hodi halo kontrola iha Fronteira tanba nee, fo pasu ba ema estranjeiru tama livre mai rai laran, balun mai ho vistu Turista maibe too iha TL halo fali negosiu, no atetude sira nee governu tenke kontrola atu nunee labele hamosu mafiozu iha rai laran.

Ita hare realidade neebe akontese ona iha rai laran maka, sidadaun Xina sira neebe maka mai halo atividade iha rai laran nee, balun mai uza vistu Turista no too iha TL halo fali atividade seluk, balun mai hola tan timor oan no ikus mai halai lakon tihan tanba, nee parte Imigrasaun tenke kontrola didiak,” informa Deputadu Eladiu Facultu liu husi sesaun Plenaria Tersa (07/03/2017) iha PN bain hira halo aprovasaun final konaba lei Imigrasaun ajilu.

Nia mos informa liu tan katak, estranjeiru sira atu labele tama sai livre iha rai laran maka, knar imigrasaun sira tenke halao nia funsaun ho lolos, liu liu halo kontrola iha Fronteira tenke diak, no halo kooperasaun PNTL mos tenke metin atu nunee bele asegura sidadaun estranjeiru sira neebe maka tama sai iha rai laran.

Iha fatin hanesan Deputada Virginia Ana Belo mos hatutan katak, Lei ida nee importante tebes atu nunee parte imigrasaun bele uza hodi halao sira nia knar ho lolos, tanba oras nee dadauk TL domina ho ema estranjeiru no atividade neebe maka estranjeiru sira halo iha TL. Madalena Horta

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...