LAGA–Eis gerileriu, Cornelio Gama ne’ebe ho naran kuinesidau “L-7” hatete nia lakohi no la fo ulun, kuandu Xanana Gusmao ho Mauk Moruk atu hamosu konflitu iha rai laran, hodi kontinua halo terus povu.
L-7 dehan problema nebe foin lalais akontese, iha diferensia idea entre Mauk Moruk ho Xanana Gusmão, hanesan problema particular, tamba ne’e nia rasik la konkorda problema ne’e hamosu instabilidade iha rai laran.
Problema ida ne’e mosu hanesan foin lalais ne’e entre Xanana ho Mauk Moruk ne’e problema particular sira nain rua nian tanba ne’e hau dehan ba sira nain rua hau lakohi atu problema mosu iha rai laran ne’e hau la fo ulun atu halo povu terus tan tanba ne’e husu ba povu tomak atu tur hakmatek fo hanoin diak ba lideransa sira atu rejolve problema ho diak tanba Xanana hau nia komandante no Mauk Moruk hau nia alin tanba ne’e hau buka dalan atu rejolve sira nia problema ida ne’e, hatete L-7 ba jornalista sira iha nia rejidensia Laga, Tersa (02/12/2013).
Responde ba kestaun ne’e Prezidente Republika, Taur Matan Ruak, husu ba veteranus sira atu tur hamutuk, tenke unidade hodi kontribui ba nasaun Timor Leste no lori povu ba moris diak, tanba veteranus maka tenke sai izemplu diak ba jerasaun foun. Informasaun kompletu iha STL Jornal no STL Web, edisaun Kinta (5/12/2013). Thomas Sanches
