La Entrega Kilat Musan, Jose Hatan Tribunal

DILI-Tribunal Distrital Dili halao julgamentu ba kazu krime arma proibidu neebe previstu iha artigu 211 no 3 kodigu penal, neebe Ministeriu Publiku (MP) notifika Jose Geraldo Bareto Pereira nudar arguidu hasoru estadu RDTL.

Tuir akuzasaun neebe lee sai iha tribunal katak, iha 2009 arguidu hetan kilat musan haat husi labarik sira neebe foti iha mota maloa no lori ba rai iha uma hodi tau iha kazaku kazamentu laran. Iha 22 de Outobru 2014, arguidu ho nia kolega sira atu ba tuir treinamentu iha Jogya Indoneisa, tanba nee nia haruka nia fen Augusta Marques halot nia ropa. Arguidu hatete katak kilat musan nee sei aktivu no laiha hanoin atu lori kilat musan ba entrega iha polisia. `

Bainhira too iha Aeroportu testamuna Fernando Gomes da Cruz nudar funsionariu aeroportu detekta hetan kilat musan haat iha arguidu nia mala laran, tanba nee sira fo hatene ba iha polisia no funsionariu Aviao hodi husu tuir no arguidu konfesa katak nia mak tau hela iha kazaku laran,”dehan Juiz Ivan Antonino iha TDD, Mandarin, Tersa (14/06/2016).

Juiz nee hatuatan, ho arguidu nia hahalok nee MP akuza arguidu hanesan autor material ba krime arma proibidu neebe previstu iha artigu 211 no 3 kodigu penal TL.

Hatan ba akuzasaun nee arguidu deklara, akuzasaun nee los hotu.Iha 2009, nia hetan kilat musan haat husi labarik sira. Tanba haree ba perigu bainhira labarik sira uza hodi tuda malu ka baku malu,  neemak arguidu husu hodi ba tau iha nia uma, tau iha bolsu kazaku kazamentu nian. Maibe tanba haluha atu entrega ba polisia, kartus musan nee tau kleur tiha iha nia uma. No nia rasik laiha intensaun ho kilat musan nee. Informasaun kompletu iha STL Jornal no STL Web, edisaun Kuarta (15/6/2016). Domingas Gomes

LEAVE A REPLY

Please enter your comment!
Please enter your name here