La Entrega Tomak Osan, Fen Taa Laen Nia Kabun

DILI-Arguida Lusia Correia tenke hatan iha tribunal, tanba lori katana taa nia kaben Joanico dos Santos nia kabun too nakles tanba la entrega tomak osan fulan nian.

Tuir akuzasaun neebe mak tribunal lee sai katak, arguida Lusia Correia ho lezadu Joanico moris nudar fen laen iha 2009, no iha oan nain rua. Oan ida boot tinan 6 no ida kiik tinan 2. Iha loron (20/12/2015) tuku 10:00 dader iha Pisu Leten, Lauhata, Bazartete arguidu hamrik iha kuartu laran bolu lezada katak ”Anico” mai lai.

Neemak lezadu mos ba kuartu laran, aguida taka tiha odamatan. Depois arguidu dada sai katana ida ho nia naruk mais menus 6,3 cm iha didin lolon kaer hodi husu ba lezadu katak Nico dehan lalais mai, lezadu hatan katak”saida”, arguida direita taa kedas dala ida iha lezada nia kabun sorin los, kona iha kidan neebe hetan kanek no nakles halo ran sai makas. Ho arguida nia hahalok nee ministeriu publiku akuza arguida ho krime ofensas, violensia domestika hasoru nia kaben lezadu Joanico.

Hatan ba akuzasaun nee arguida deklara, akuzasaun sira nee balun los no balun lalos. Nia rekonese duni katak los duni lori katana taa ba iha arguidu nia kabun, tanba nervozu bainhira husu osan fulan Desembru nian, lezadu fo deit $100. Ho ida neemak halo nia nervozu hodi hateke ba katana neebe sikat hela hodi taa ba lezadu.

Foin fulan ida neemak lezadu fo deit $100 ba hau, bainbain nia entrega tomak osan $200 neebe nia simu kada fulan nee fo hotu ba hau. Nia servisu pinera rai henek, neebe fulan ida nia simu $200,” tenik nia iha TDD, Mandarin, Kinta (28/04/2016).

Nia hatutan, depois akontesimentu nee nia rasik mak lori lezadu ba halo tratamentu iha klinika Bazartete nian. Agora sira hela separa malu, oan boot hela ho lezadu iha Bazartete no ida kiik hela ho arguida iha Liquiça.

Depois rona tiha deklarasaun husi parte rua, tribunal submete kedas ba iha alegasaun final. Nunee Ministeriu Publiku husu ba tribunal atu aplika pena prizaun fulan nen no suspende tinan ida. Tanba arguida konfesa integralmente katak nia lori duni katana taa ba iha lezadu nia kabun hodi rezulta kanek no agora labele halo servisu. Entertantu parte defeza husu ba tribunal atu aplika pena neebe kman, tanba arguida konfesa hotu faktus neebe mak iha akuzasaun nia laran. Informasaun kompletu iha STL Jornal no STL Web, edisaun Sesta (29/4/2016). Domingas Gomes

 

LEAVE A REPLY

Please enter your comment!
Please enter your name here