La Fo Fila Osan, Fulgencio Ameasa Kadeia Tinan 4

DILI-Arguidu Fulgencio Dos Reis ameasa tama kadeia tinan hat, tanba la fo fila lezadu Moises Acunçao Mendonça nia osan ho montante $2500.

Liu husi alegasaun final Ministeriu Publiku (MP) husu ba tribunal atu aplika pena prizaun tinan hat ba arguidu Fulgencio Dos Reis. MP mantein ho akuzasaun katak arguidu husu osan $ 3.000.00, maibe lezadu hatan dehan iha deit osan $ 2500 hodi bele hetan pojetu husi SAS. Maibe too tempu neebe determina lezadu la hetan projetu ruma no arguidu la entrega fila fali lezadu nia osan, tanba nee MP husu atu aplika pena prizaun tinan hat ba nia.

Entertantu parte defesa husu ba tribunal atu aplika pena neebe justu, tanba arguidu konfesa integralmente faktus neebe iha. No koopera diak ho justisa.

Tuir akuzasaun husi MInisteriu Publiku katak, iha Dezembru 2013, lezadu atu lori proposal ba hatama iha diresaun SAS kona ba projetu bee mos iha Ermera, maibe nia dokumentu hanesan profile seidauk iha. Data neebe mensiona iha leten, lezadu nia kolega Norberto de Araujo fo hatene ba nia katak diak liu lori deit ba Fatuhada hasoru Moises Acunçao Mendonça. Lezadu ba iha Fatuhada hsoru malu ho Moises no fo hatene ba nia katak injeneiru Fulgencio dos Reis Hornai mak bele halo profile. Iha momentu neeba lezadu hasoru malu ho arguidu no nia husu osan $ 3.000.00, maibe lezadu hatan dehan hau iha deit osan $ 2500.

Arguidu promete ba iha lezadu hodi dehan nia familia iha laran, tanba nee bainhira hau halo hotu ita sei hetan projetu bee mos iha Munisipiu Ermera. Lezadu hein too tempu neebe termina, maibe laiha projetu ida mak nia hetan, tanba nee nia kontaktu fali ba iha arguidu, maibe nia promete deit ho dala barak taka nia telemovel. Informasaun kompletu iha STL Jornal no STL Web, edisaun Kinta (16/6/2016). Domingas Gomes

LEAVE A REPLY

Please enter your comment!
Please enter your name here