DILI -Prezidente Timor Leste Press Club (TLPC), Jose Belo sei la aseita Sidadaun nebe mak La Servisu iha media involve iha aktividade diskusaun kode etika Jornalismu, tamba kode etika sei kesi deit ba Sidadaun Nebe mak Involve iha media.
Tuir Jose Belo katak Versaun Jornalista nebe mak bele invole iha kongresu ne’e rasik husi Pres club nia pozisaun desde iniciu deskute akta katak persiza jornalista nebe maka involve an iha media, sira halo duni sira nia funsaun, ou sira kaer duni sira nia ID ou identidade, hetan vensimentu, salariu husi sira nia fatin nebe sira servisu ba, ida ne’e maka kategoria hanesan jornalista.
Ohin loron jornalista barak, iha media sosial barak, maibe sira la bele kategoria ba iha jornalista atu hodi ba deskute konaba kode etika, tamba kode etika ne’e kesi deit ba ema nebe haknar an iha media, nemak ami nia pozisaun desde inisiu katak ami la aseita ema nebe la servisu iha media atu partisipa iha diskusaun kode etika ne’e, dehan Jose Belo ba STL Kuarta (23/10/2013) iha Kristu Rei.
Nia informa tan katak, diskusaun akta pozisaun Timor Leste Press Club hasai hotu NGO sira, tamba TLPC defende tenki iha ema nebe legalizadu, rejistradu organizasaun registradu iha ministeriu justisa, hanesan organizasaun legal ba akta nebe deskute iha kode etika. Informasaun kompletu iha STL Jornal no STL Web, edisaun Kinta (24/10). Ekipa STL