La Simu Liafuan, Ameu Soku Azina Isin Ida

DILI- Arguidu Domingos Tilman Sarmento tuku isin ida iha lezada Virginia da Costa Rangel nia matan fukun, parte karuk tanba la kontenti ho liafuan neebe sai husi nia kaben nia ibun.

Liu husi audensia julgamentu Tribunal lee sai akuzasaun husi Ministeriu Publiku katak iha loron (5/8/2015) tuku 3:00 loraik iha Caicoli, lezada nia alin haruka nia oan mai husu osan nan $20 ba lezada. Nunee lezada dehan osan seidauk iha, neemak lezada ba iha nia alin nia uma hodi dehan osan seidauk iha. Tanba arguidu fila husi servisu hare lezada ba iha nia alin nia uma, arguidu husu tuir dehan o nia bin mai halo saida.

Neemak lezada nia alin dehan nusa maun simu osan mai la entrga ba mana, nunee arguidu dehan osan laiha atu fo ba nia. Rona ida nee lezada hatan dehan osan laiha nee o fo ba se. Neemak halo arguidu nervozu hodi tuku isin Ida iha lezada nia matan fukun parte karuk isin Ida, no tuku kois dala Ida hodi halo lezada nia matan moras. Ho arguidu nia hahalok nee ministeriu publiku akuza arguidu ho krime violensia domestika hasoru nia kaben.

Hatan ba akuzasaun nee arguidu deklara katak, akuzasaun sira nee los hotu. Nia tuku duni lezada nia matan fukun isin Ida tanba nervozu ho liafuan neebe dehan osan laiha nee fo ba se. Iha momentu nee osan laiha duni, tanba simu mai selu tiha ema nia tusan no sosa deit fos saku ida. Baibain osan simu mai sempre entrega ba ferik oan, maibe tanba ema nia tusan arguidu simu mai selu kedas.

Iha fatin hanesan lezada hatete, arguidu tuku duni nia isin ida iha nia matan fukun parte karuk no tuku kois dala lima. Arguidu baku tanba nervozu ho nia liafuan neebe dehan osan laiha nee o fo ba se. Maibe depois problema sira diak malu kedas, no lezada nia matan neebe bubu arguidu mak hanas fodik ho be manas, nunee iha loron 8 nix matan normal fali. Informasaun kompletu iha STL jornal no STL Web, edisaun Sabado (27/2/2016). Domingas Gomes

LEAVE A REPLY

Please enter your comment!
Please enter your name here